Mediat serbe janë “çmendur” këto ditë, pasi Google Map tregon një lokacion të njohur në Serbi se mban emrin e Gjergj Kastriotit Skënderbeu.
Sipas të gjitha gjasave kemi të bëjmë me një hakim të aplikacionit ç’ka ka shkaktuar një revoltë të madhe në rrjetet sociale serbe por edhe në portalet e tabloidët e këtij vendi.
Një pjesë të këtyre reagimeve i ka sjellë edhe portali shqip në Zvicer Lecanton 24, por ndërkohë edhe media serbe apo portali rus Sputnik, kanë publikuar këtë polemikë.
Bëhet fjalë për stadiumin e qytetit të Kraljevës, kryeqendra e Rashkës, jo shumë larg veriut të Kosovës, i cili në aplikacionin e Google mbante emrin e heroit kombëtar shqiptar.
Ndërsa të gjitha ndërtesat dhe rrugët përreth ishin të shkruara me alfabet latin serb, në “Google map” stadiumi është i shënuar në alfabetin shqip si “Stadium Gjergj Kastriot Skenderbeu”.
Stadiumi afër Ibrit u ndërtua në mesin e viteve 1970 dhe nuk ka asnjë emër që nga fillimi, por njihet si – Stadiumi Atletik. /GazetaShqip
