Raimonda Kovaçi këngëtarja me zërin e ëmbël e cila i këndon me krenari vendlindjes së saj të bukur Kryeziut të Pukës, maleve, gurrave, lëndinave, krojeve dhe asaj toke të bekuar, nga ku u mbrujt dhe mori jetë, për tu bërë një këngëtare e njohur dhe e kërkuar, në Dasma koncerte dhe evenimente të ndryshme muzikore.
Raimonda Kovaçi një artiste e kompletuar, dhe me një karrierë muzikore e cila vazhdoi që heret në adoleshencën e saj. Këngën e gjeja në çdo vend tha Raimonda për PortalinShqiptar.com dhe AdriaNet, kënga është një ëndërr e madhe, e bukur, dhe mjaft e vështirë për t’a arritur, por me shumë sakrifica arrita t’a realizoja këtë ëndërr.
Raimonda Kovaçi e hijeshme dhe sharmante, me zërin e saj të ëmbël dhe pozitivitetin e një njeriu që ka jetuar në skenë, ka sjellë rreth vetes shumë e shumë adhurues, të cilët e motivojnë këngëtaren simpatike, që gjithmonë të sjelli risi dhe projekte të reja muzikore.
Raimonda Kovaçi ka një repertor të larmishëm, me këngë të zhanreve të ndryshëm, ku më së shumti e gjen veten tek kënga popullore dhe turbo folk, por gjithashtu këndon shumë bukur dhe balada të ndryshme, të cilat pëlqehen shumë nga audienca e saj.
Raimondën e gjen gjithandej, në fejesa, dasma, ditëlindje, koncerte dhe mbrëmje të ndryshme muzikore, publiku e do dhe i jep suport për të vazhduar më tej me projekte të reja që janë drejt realizimit dhe do publikohen së shpejti. Gjer atëherë ne e falenderojmë këngëtaren simpatike Raimonda Kovaçi për bisedën, dhe ju ftojmë që në linkun më poshtë të shikoni këngën “Krenarinë ma dha Kryeziu”
