Nëse mendonit se ndjenja e vetmisë dhe mërzisë në fundjavë ju ndodh vetëm ju pa asnjë shpjegim, atëherë na lini t’jua shpjegojmë se sa normale është kjo gjë, sipas psikologëve.
3 arsye pse ndodh
1. Mungon një strukturë në ditët e fundjavës sepse zakonisht gjatë javës, dita është e strukturuar, ke një lloj plani të vogël se çfarë do bësh në punë dhe sa orë, nëse do të takosh dikë pas pune apo jo. Duke qenë në lëvizje nga detyra në detyrë, nga vendi në vend, ditët e javës janë të mbushura me aktivitete edhe nëse nuk e pëlqeni punën që bëni, të paktën jeni të angazhuar. Në fundjavë, veçanërisht nëse jeni të stresuar, të mërzitur ose në depresion, zakonisht nuk doni të planifikoni asnjë aktivitet dhe kjo mund t’ju bëjë të ndiheni më të dëshpëruar se sa gjatë ditëve të javës.
2. Mungon ndërveprimi social sepse pikërisht kur jeni të mërzitur ose në depresion ju duhet akoma më tepër, por ju nuk po takoheni me askënd. Duke dashur të bëni atë që ju duket më e rehatshme, në fakt po izoloheni më shumë.
3. Mungesa e vetëvlerësimit ndikon gjithashtu sepse keni qasjen të krahasoni veten me të tjerët, sidomos në fundjavë kur keni më tepër kohë për të parë postimet e të tjerëve në rrjetet sociale të cilët mund të kenë dalë dhe duken të lumtur.
2 mënyra për t’u ndjerë më mirë
1. Krijoni një plan paraprak për fundjavën, të cilën mund ta ndiqni në mënyrë që të keni një lloj emocioni për ditët pushim që do vijnë. Shtimi i një aktiviteti çdo mëngjes dhe një aktiviteti çdo pasdite do t’ju ndihmojë në përmirësimin e humorit. Ajo çfarë këshillohet më shumë në varësi të gjendjes tuaj emocionale, është të bëni çdo orë diçka ndryshe nga ajo që jeni mësuar të bëni, p.sh. ndryshimi i dyqanit ku ble ushqimet edhe pse në dukje është diçka e vogël, por sidoqoftë ndihmon.
2. Bëni plane për ndërveprim social, takoni miq të vjetër, dilni me kolegët sepse do të njiheni akoma më mirë jashtë ambientit të përditshëm të punës. Ndoshta ju pëlqen ideja e të qëndruarit në shtëpi, vetëm, në rehatinë tënde, por në fakt sa më shumë të jeni të rrethuar me njerëz të mirë ateherë kur ndiheni më keq, aq më të thjeshtë do ta keni të kaloni situata të vështira psikologjikisht./anabelmagazine.com
