Këtë të mërkurë, vendi ynë do të jetë në ndikim të kushteve atmosferike të paqëndrueshme.
Moti parashikohet të jetë me alternime vranësirash dhe kthjellime. Reshjet e shiut me intensitet të ulët do të jenë prezente që në orët e para të 24-orëshit përgjatë vijës bregdetare.
Në orët e mesditës reshjet e shiut do të përfshijnë edhe pjesën tjetër të vendit. Hera-herës priten reshje në formën e shtrëngatave, shoqëruar me breshër.
Era do të fryjë me drejtim nga perëndimi- veriperëndimi me shpejtësi mesatare deri në 8 m/sek, ndërsa valëzimi në detet Adriatik dhe Jon pritet të jetë i forcës 1-2 ballë.
Temperaturat parashikohen:
Në zonat malore 7 deri 23°C;
Në zonat e ulëta 12 deri 26°C;
Në zonat bregdetare 13 deri 25°C.
