Boronica është një frut i madhërishëm që rritet kryesisht në vendet me klimë të freskët, siç është Shqipëria. Boronicat janë një frut që gjenden me vështirësi dhe janë përgjithësisht të shtrenjta, sidomos kur janë të freskëta.Boronicat e freskëta janë një nga frutat më të mira të shportës shqiptare të frutave e megjithatë ato rrallë rriten në kopshte apo hapësira private qytetase.
Vlerat e BORONICES
Edhe pse janë të vogla, boronicat përmbajnë shumë lëndë ushqyese që mund të ndikojnë pozitivisht në shëndetin tuaj afatgjatë.
- Antioksidantët në boronica zvogëlojnë rrezikun e sëmundjeve
Shumica e frutave dhe perimeve janë një burim i fuqishëm i polifenoleve, antioksidantëve që ndihmojnë në reduktimin e inflamacionit dhe luftimin e radikaleve të lira në trup. Nëse trupi është në mes të inflamacionit kronik, i cili ndodh kur ka të bëjë me stresin oksidativ në sistemin imunitar, ai është më i prirur për të zhvilluar sëmundje.
- Hulumtimi arriti në përfundimin se polifenolet mund të zvogëlojnë stresin oksidativ dhe inflamacionin, gjë që redukton rrezikun e sëmundjeve.
Në veçanti, boronicat janë të mbushura me antioksidantë të quajtur anthocyanins, të cilat dihet se reduktojnë radikalet e lira në trup që çojnë në sëmundje të caktuara si sëmundjet kardiovaskulare, diabeti i tipit 2, madje edhe rënie neurologjike.
- Antocianinet mbartin gjithashtu pigmentin që i jep boronicave ngjyrën e famshme të pasur blu.
Ato ndihmojnë në uljen e kolesterolit të keq
Një nga mënyrat specifike me të cilat boronica mund të zvogëlojë rrezikun e sëmundjes është duke ulur nivelin e LDL, të ashtuquajturit kolesterol të keq në gjak.
- Kolesteroli LDL është lloji i kolesterolit që grumbullohet në arterie, nëse ka shumë prej tij në gjak dhe nuk ka mjaftueshëm HDL, i ashtuquajturi kolesterol i mirë, për të transportuar LDL përsëri në mëlçi.
Hulumtimi i botuar në Journal of Nutrition zbuloi se pjesëmarrësit që konsumuan boronica raportuan 27 për qind më të ulëta të kolesterolit LDL në vetëm tetë javë, duke reduktuar rrezikun e tyre të sindromës metabolike dhe rreziqeve të tjera të sëmundjeve kardiovaskulare.
Janë një burim i shkëlqyer i fibrave
Në përgjithësi, shumë lloje të manave janë një burim i fortë fibrash. Sipas JAMA Netëork, konsumimi i mjaftueshëm i fibrave dietike lidhet me jetëgjatësinë për shkak të mënyrës sesi fibra stabilizon sheqerin në gjak dhe ul kolesterolin LDL.
- Një studim zbuloi se për çdo tetë gram rritje të fibrave dietike, pjesëmarrësit ishin në gjendje të reduktonin rrezikun e vdekjes, si dhe rastet e sëmundjeve të zemrës, diabetit dhe kancerit kolorektal, me pesë deri në 27 për qind.
Fibrat gjithashtu ngopin, që do të thotë se ju ndihmojnë të ndiheni më të ngopur për më gjatë. Shoqata Amerikane e Zemrës rekomandon të paktën 25 deri në 30 gram fibra në ditë për një shëndet optimal. Një filxhan me boronica përmban rreth katër gram fibra.
- Ato përmbajnë sasi të konsiderueshme të vitaminës C
Boronicat janë të pasura me vitaminë C. Një filxhan përmban rreth 15 për qind të dozës së rekomanduar ditore. e kësaj vitamine, e cila vepron si një antioksidant i fuqishëm dhe lufton kundër radikaleve të lira, ndërsa ka një efekt të dobishëm edhe në sistemin nervor, imunitar, të gjakut dhe të kockave-nyjeve, shkruan The Healthy.
