Aktori i njohur, Donald Veshaj mbetet një ndër ish-banorët më të komentuar të Big Brother VIP.
Gjatë qëndrimit në shtëpinë e famshme i cili ishte edhe finalist dhe doli i dyti në garën për 100 mijë euro, Donaldi ka treguar edhe talentin e tij si piktor.
Me rastin e festës së 28 nëntorit ai realizoi portretin e Ismail Qemailit, i cili u shit në ankand dhe paratë e fituara shkuan për bamirësi.
Ndërkohë, për nderë të pavarësisë së Kosovës më 17 shkurt, Donaldi pikturoi portretin e Adem Jasharit, pikturë të cilën sot e ka dërguar pikërisht tek familja e heroit.
Përmes disa imazhe që ndau në Instagram, aktori bashkë me vëllain e tij binjak, Romeon dhe gjithë familjen kanë vizituar Prekazin, ku edhe u takua me ish-kryetarin e Skenderajt, Bekim Jasharin të cilit ia dorëzoi portretin e Adem Jasharit.
“Bac u kry! Përjetësisht mirënjohës familjes Jashari”, ka shkruar Donaldi në mbishkrimin e postimit.Ndërkohë, Bekim Jashari ka falënderuar Doanldin për vizitën, teksa u shpreh se piktura do të ruhet në muzeun e kompleksin “Adem Jashari”.
“Ne si familje falënderojmë Donaldin dhe gjithë familjen e tij që sot kanë ardhur për të na vizituar ne dhe këtë vend, kompleksin Adem Jashari dhe në veçantë një falënderim jashtëzakonisht i madh për këtë pikturë dhe portretin e komandantit legjendar që e ka bërë gjatë kohës kur ishte në izolim në Big Brother, të lumshin duart, nga sot e tutje portreti do të ketë vend në posaçëm në muzeun e përkohshëm të këtij kompleksi”, ka thënë Bekim Jashari.
Kujtojmë që pas daljes nga BB VIP, Donaldi ka shmangur paraqitjet publike dhe televizive, përveç postimeve në Instagramin e tij.
Aktori pas përfundimit të spektaklit deklaroi se pavarësisht se nuk fitoi çmimin ai do të dhuroi 100 mijë euro nga xhepi i tij për ndërtimin e katër shtëpive për njerëzit në nevojë, dy në Shqipëri dhe dy në Kosovës. /Telegrafi/asutimes.com
