Fasule me pastërma
Dimri po afron dhe gjella tradicionale e fasuleve me pastërma përbën mënynë më tipike të një familje shqiptare. Në prolog të këtij dimri ne po ju servim recetën e “Fasuleve me pasterma”. Shijoheni dimrin me këtë “ brand” gastronomie
PËRBËRËSIT:
3 fç fasule
5 copa pastërma
1 qepë e madhe
2-3 thelpinj hudhër
½ spec jeshil
½ spec i kuq
1 domate
1 lgj salcë koncentrat
Vaj ulliri
Spec djegës
Kripë, piper
PËRGATITJA:
Fasulet lihen që në mbrëmje në ujë, sikurse dhe mishi në mënyrë që t’i dalë kripa. Të nesërmen fasulet i kullojmë dhe i vendosim të ziejnë duke shtuar dhe copëzat e pastërmasë. Grijmë imët një qepë dhe e kaurdisim së bashku me hudhrën, specat dhe domaten e grirë. Shtojmë dhe 1 lgj koncentrat dhe më pas këtë masë e shtojmë në tenxheren me fasule. Rregullojmë shijen me kripë dhe piper dhe e lemë derisa fasulet të behen ne forme ajke.
Përgatiti për “JEHONA.Info”
Etleva Hoxha
