Sipas MeteoAlb, vijojnë masat ajrore të qëndrueshme të jenë prezente në të gjithë vendin përgjatë gjithë ditës. Pritet që kthjellimet të jenë më të dukshme gjatë paradites në Ultësirën Perëndimore, vranësirat më të theksuara do të jenë në zonat malore.
Ndërsa orët e mesditës dhe pasdites pritet që vranësirat të shtohen gradualisht, ku vranësirat mbeten më të fokusuara në zonat malore por nuk pritet të ketë reshje.
Temperaturat e ajrit do të vijojnë te rriten në mëngjes dhe mesditë duke luhatur vlerat ditore nga 7°C deri në 26°C.
Era do të fryjë mesatarisht me shpejtësi 40 km/h kryesisht nga drejtimi Jugor duke krijuar në det dallgëzim mbi 3 ballë.
