Sipas MeteoAlb, masat ajrore të qëndrueshme dhe të ftohta vijojnë të diktojnë kushtet e motit në Shqipëri, duke bërë që në orët e para të ditës të kemi dominimin e kthjellimeve në pjesën më të madhe të territorit dhe kalime të pakta vranësirash në zonat malore.
Ndërsa orët vijuese do të shfaqin vranësirat, ku më të theksuara pritet që vranësirat të mbeten në zonat malore.
Temperaturat e ajrit do të ulen lehtë në mëngjes dhe në mesditë duke luhatur vlerat ditore nga 6°C deri në 25°C.
Era do të fryjë e lehtë dhe mesatare me shpejtësi 35 km/h kryesisht nga drejtimi Verior – Verilindor duke krijuar në brigjet detare dallgëzim mbi 2 ballë.
