Vendi ynë gjatë paradites do të jetë në dominimin e një sistemi të dendur vranësirash i cili do të gjenerojë rrebeshe shiu, ku më të shumta reshjet do të jenë gjatë paradites.
Ndërsa pas mesdite parashikohet dobësim gradual i këtij sistemi duke bërë që reshjet të jenë në sasira më të pakta dhe më të fokusuara në zonat malore.
Sipas MeteoAlb, temperaturat e ajrit do të vijojnë të ulen në mëngjes dhe ndjeshëm në mesditë duke luhatur vlerat ditore nga 5°C deri në 21°C.
Era do të fryjë mesatare dhe e fortë me shpejtësi 45 km/h nga drejtimi verilindor duke krijuar në brigjet detare dallgëzim mbi 3 ballë.
