Gjatë ditës së sotme moti në vendin tonë do të vijojë të jetë nën ndikimin e kushteve të qëndrueshme atmosferike, duke sjellë gjatë paradites orë të shumta me diell në një pjesë të mirë të vendit tonë. Ndërsa në orët vijuese parashikohet që të ketë kalime të pakta të vranësirave, ku më të dukshme vranësirat do të jenë në zonat malore.
Sipas MeteoAlb, temperaturat e ajrit do të do të mbeten konstante në mëngjes, por do të ulen në mesditë duke luhatur vlerat ditore nga 7°C deri në 26°C.
Era do të fryjë e lehtë dhe mesatare në det me shpejtësi 35 km/h nga drejtimi Veriperëndimor duke krijuar në brigjet detare dallgëzim 2 ballë.
