Mandi Nishtulla ka qenë i ftuar në puntatën e radhës të #EXPULS nga Ronaldo Sharka në RTV Ora.
I pyetur për këngën më të klikuar shqiptare, “Te ka lali shpirt”, Mandi Nishtulla nuk u kursye me kritikat, sipas tij ai nuk ka marrë asnjë lekë nga klikimet e këngës, por tregon gjithashtu për raporte jo fort të mira tashmë me Silva Gunbardhin dhe Dafi Dertin, dy bashkëpuntorët e tjerë të këngës.
“Në këngë nuk më kanë vendosur kredencialet se ku mund të më gjejnë njerëzit. Madje më kanë dhe diçka tjetër, qe klikimet nuk paguheshin, është budallik të kërkosh ti lekë. Ato klikime, ato gjonat ja kam dhënë atyre, le t’i marrin janë miliona euro. Nuk kam marre kokërr leku. Ideja e këngës ka qenë e imja, kam qenë duke ik në Francë, duke parë nga dritarja, më erdhi refreni i këngës, e shkruajta. Shkova tek Alfred Sula, ka qenë bashk me Dafin dhe këta nuk ishin martuar ende. Ishim të gjithë ok, dhe më pas vjen Silva e cila e dinte që kënga do bënte namin, kërkoi të ishte patjetër, ishim dobët me buxhetin dhe klipin e pagoi Silva. Nuk e di çfarë kanë bërë me klikimet”- u shpreh ai i revoltuar.
I pyetur se si i ka marrëdhëniet me Silvën dhe Dafin, për këtë të fundit ai tha se komunikon, ndërsa nuk flet me Silvën.
