Pasi u shpall kampion në Itali, Zlatan Ibrahimovic pritet të rinovojë me kuqezinjtë të paktën edhe për një sezon, ndërsa paga e tij do të ulet ndjeshëm.
Sipas mediave italiane, palët do të takohen javën e ardhshme, ndërsa është caktuar edhe strategjia për pagën e re. Ibra do të përfitojë një pagë “simbolike” te Milani, ndërsa do të ketë edhe bonuse të tjera në bazë të performancës së tij.
Sulmuesi suedez përfitoi 7 milionë euro sezonin që lamë pas, ndërsa në edicionin e ri paga e tij do të varet nga paraqitjet që shtatlarti do të zhvillojë me Milanin, si dhe golat që do të shënojë me fanellën kuqezi.
