Një vajzë e re turke e cila dyshohet se gënjeu nënën e saj të varfër për të dërguar para duke pretenduar se ajo ishte duke studiuar mjekësi në Universitetin prestigjioz të Oksfordit, në Mbretërinë e Bashkuar, por në të vërtetë jetonte në Stamboll, ku ajo punonte si një agjente e pasurive të patundshme.
25-vjeçarja Merve Bozkurt gënjente nënën e saj për vite me radhë si një mënyrë për të marrë para shtesë nga ajo.
Vajza bëri shumë përpjekje për t’i bërë prindërit e saj të besonin se ajo ishte pranuar në universitetin prestigjioz anglez, ku tha se po studionte për t’u bërë mjeke.
Ajo madje i dërgoi nënës së saj foto të veshura me një mantel të bardhë dhe maskë fytyre, për të krijuar idenë se po bënte një trajnim praktik mjekësor.
Gjatë gjithë kohës, nëna e varfër po shiste lule në qytetin e Antakya, për të mbështetur vajzën e saj.
Mashtrimi i Merve mund të ketë kaluar pa u vënë re nga prindërit e saj për një kohë të gjatë, po të mos ishte përkushtimi i nënës së saj që tërhoqi vëmendjen e mediave lokale.
Përpjekjet e Gulseren Bozkurt për të mbështetur vajzën për studime në Oksford duke shitur lule para një funerali tërhoqën vëmendjen e një gazetari turk i cili intervistoi si nënën ashtu edhe Merve për këtë rast.
Në të vërtetë, Merve Bozkurt kishte guximin të pozonte me nënën e saj dhe deklaroi se ajo do të bënte gjithçka që kishte mundësi për të nderuar Gulseren dhe për t’u siguruar që përpjekjet e saj të shpërbleheshin.
Ajo madje u mburr se ishte në rrugën e duhur për t’u bërë një neurokirurge.
Merve nuk mendonte se historia e nënës së saj u bë virale, dhe kështu njerëzit që e njihnin Merve Bozkurt filluan të komentonin se vajza jetonte në të vërtetë në Stamboll, jo në Mbretërinë e Bashkuar.
Komentet ‘zgjuan’ kureshtjen e gazetarëve të cilët filluan të kontrollonin statusin e saj.
Ata kontrolluan në Oksford dhe u befasuan kur panë që nuk ishte askush me atë emër atje.
Hetimi i mëtejshëm zbuloi se 25-vjeçarja “studente e Oksfordit” kishte jetuar në Stamboll prej vitesh, duke punuar si një agjent i pasurive të patundshme.
Ndërsa gënjeshtrat e saj të mëdha filluan të zbuloheshin, Merve nuk i mbetej gjë tjetër veçse të pranonte se kishte gënjyer nënën e saj “dhe veten” për vite me rradhë./Përkthehu: allnews.al
