Vlerat universale të Liqenit të Ohrit që e kualifikuan si pasuri botërore në UNESCO. Ja 4 kriteret që plotëson Liqeni
Nga 10 kritere qe ka vendosur UNESCO për vendet që duan të listojnë pasuritë e tyre me vlera universal, Liqeni I Ohrit plotëson 4 prej tyre. Në UNESCO një pasuri mund të listohet nëse plotëson të paktën 1 nga këto kritere. Liqeni i Ohrit, si pasuri ndërkufitare mes dy shteteve Shqiperi dhe Maqedoni e Veriut, plotëson plot 4 kritere. Cilat janë ato dhe si argumentohen?
- Qyteti i Ohrit është ndër vendbanimet më të vjetra në Europë. I ruajtur mësëmiri sot e kësaj dite, ky qytet është një ansambël i rrënojave arkeologjike nga periudha e Bronxit deri në Mesjete. Qyteti ka arkitekturë fetare (religjoze) ekzemplare të shek të 7-19 si dhe strukturë urbane të stilit arkitekturror të shek 18-19. Të njëjtat vlera arkeologjike janë dhe në Gadishullin e Linit dhe së bashku me vijën liqenore dhe zonat perreth krijojnë një ansambël harmonik unik, që është dhe faktori kryesor që e bën këtë rajon vertet unik
- Kjo pasuri është një dëshmi e artit bizantin, pasi ka më shumë se 2500 metra katror afreske dhe mbi 800 ikona me famë botërore. Kisha e Shën Sofise (shek 11) apo St John Kaneo janë arritje artistike të një niveli të lartë për afresket dhe prezantimin telologjik. Bazilikat antike të zbuluara këtu kanë shërbyer si model për bazilika të tjera në shekuj. Zhvillimi i kësaj jete fetare përgjatë brigjeve të liqenit, dëshmon për rëndësinë e rajonit si qendër kulturore dhe fetare në shekuj. E njëjta gjë është me mozaikun në Kishën e Linit, shek 5, që së bashku me bazilikat e Ohrit tregojnë për të njëjtën traditë kulturore.
- Në rajonin e Liqenit të Ohrit ndodhet Manastiri më i hershëm sllav dhe i pari Universitet sllav në Ballkan, shkolla letrare e Ohrit që përhapte shkrimin, edukimin dhe kulturen në botën slave. Rrënojat arkeologjike në Ohër përbëhen nga forume, ndërtesat publike, dhe ndërtesa të shenjta që datojnë në qytetin antik Lyhnidos (emri i vjeter i qytetit). Prezenca e arkitektures se hershme kristiane nga shek 4-6 duket ne bazilikat e Ohrit dhe Linit. Arkitektura byzantine e Ohrit dhe ndërtesat e shek 9-14 kanë rëndësi të madhe në unitetin e gjithë arkitekturës urbane.
- Vlerat e dukshme natyrore të konservurara të Liqenit të Ohrit, me një histori që në periudhën para akullnajore, përfaqësojnë një fenomen natyror superlativ. Si rezultat i izolimit gjeografik dhe aktivitetit të pandërprerë biologjik, Liqeni i Ohrit siguron strehë unike për një numër species endemike dhe relike të ujërave të ëmbla si të florës dhe faunës. Ujërat oligotrofë (të pastër) përmbajnë 200 specie endemike me nivel të lartë të endemizmit vecanërisht për algat, diatomat, gjarprinjtë dhe 17 specie endemike te peshqve. Jeta natyrore e zogjve të Liqenit gjithashtu kontribuon në vlerat e tij konservuese
