Galatasaray raportohet se po përgatit një lëvizje në mes të sezonit për sulmuesin e Manchester United, Cristiano Ronaldon. E ardhmja e 37-vjeçarit është vënë sërish në pikëpyetje, me Djajtë e Kuq që besohet se janë të gatshëm ta lënë atë të largohet nga klubi gjatë afatit kalimtar të janarit.
Ronaldo ka pasur vështirësi për të hyrë në skuadrën fillestare këtë sezon, dhe ai ishte një zëvendësues i papërdorur gjatë derbit të Mançesterit të dielën e javës së kaluar.
Marrëveshja ekzistuese e Ronaldos në Old Trafford do të skadojë në qershor të vitit 2023. Ekziston mundësia që të aktivizohet një klauzolë për të qëndruar deri në fund të sezonit 2023-24, por ai pritet të largohet vitin e ardhshëm.
Sipas Fotomac, Galatasaray do të bëjë gjithçka për të nënshkruar me sulmuesin në janar, me nënpresidentin e klubit Erden Timur në ‘kontakt të vazhdueshëm’ me përfaqësuesit e lojtarit.
Ronaldo shënoi 24 gola për 20 herë kampionët e Anglisë gjatë sezonit 2021-22, pasi siguroi një rikthim në klub nga Juventusi.
