Partizani arriti një fitore minimale përballë Laçi duke mbyllur kështu javën e dytë të “Abissnet Superiore”, duke udhëhequr i vetëm në tabelën e renditjes.
Në vendin e dytë, të tretë e të katërt, ndodhen Bylis, Tirana dhe Erzeni, me nga katër pikë secila.
Skuadra ballshiote barazoi në transfertë me Teutën, me rezultatin 1-1, ndërsa bardheblutë mundën në Rrogozhinë Egnatian me rezultatin 0-2. Për sa i përket Erzenit, ajo barazoi pa gola përballë Kastriotit.
Laçi dhe Vllaznia ndahen me nga tre pikë, me shkodranët që mposhtën Kukësin në shtëpi me rezultatin 2-1. Kjo e fundit vazhdon të jetë me një pikë, njësoj si Teuta e Kastrioti.
Vendin e fundit në tabelë e mban Egnatia, duke qenë e vetmja skuadër pa asnjë pikë.
