Jemi mësuar që të shohim vetëm propozime që vijnë nga meshkuj, të cilët ulen në gjunjë dhe propozojnë me unazën e ëndrrave për çdo femër.
Por tashmë kohët kanë ndryshuar dhe gjithmonë e më shpesh po shohim femrat që propozojnë meshkujt.
Tanimë edhe kompanitë e mëdha botërore po prodhojnë unaza enkas për këtë ditë.
Marka e bizhuterive luksoze Tiffany & Co po shet unaza fejese për burra për herë të parë në historinë e saj 184-vjeçare.
Modelet e reja shënojnë një ndryshim të madh për argjendarinë amerikane, e cila është e njohur për unazat e saj klasike të fejesës për gratë.
Në dispozicion në dyqanin kryesor Tiffany në Nju Jork nga ky muaj, mund të gjeni unazat për meshkuj.
Sipas markës së njohur ky koleksion i ri nuk vjen vetëm për barazi gjinore por edhe pse martesat e të njëjtës gjini janë rritur shumë vitet e fundit dhe është një mënyrë përkrahje dhe për ata.
Erdhi koha ku meshkujt të ndihen të rëndësishëm./allnews.al
