Numri i të rriturve në Shtetet e Bashkuara që nuk identifikohen si heteroseksualë, vazhdon të mbetet në një nivel të qëndrueshëm prej rreth 7.2 për qind.
-
Ky komunitet protestoi kundër një postimi në rrjetin e njohur më parë si Twitter, në vitin 2017, të presidentit të atëhershëm Donald Trump përmes së cilit njoftohej se transgjinorët ndalohej të shërbenin në ushtri.
“Personeli transgjinor, nëse kualifikohet, mund të shërbejë në ushtrinë e Shteteve të Bashkuara”, u shpreh Presidenti i Shteteve të Bashkuara, Joe Biden.
“Është vërtet një lehtësim që kemi një administratë që na kupton se kush jemi dhe na vlerëson si qytetarë amerikanë”, shprehet Sarah Kate Ellis Presidente e organizatës jo fitimprurëse GLAAD e cila mbron të drejtat e komunitetit LGBTQ.
-
Gjithashtu gjatë mandatit të tij, Presidenti Joe Biden nënshkroi Ligjin e Respektimit të Martesës, i cili u jep të drejta dhe përfitime federale çifteve të të njëjtit seks. Gjatë një aktiviteti në Shtëpinë e Bardhë ai i tha komunitetit LGBTQ se…
“Ndaj jush ka dashuri. Zëri juaj dëgjohet, ne ju kuptojmë dhe vendi juaj është këtu”.
“Duke qenë homoseksual, e di se shumë nga të drejtat e mia mund të rrezikohen prej partive të tjera. Kjo është një nga arsyet pse unë e mbështes Bidenin këtë mandat dhe e mbështeta atë edhe mandatin e kaluar”, shprehet Randy Bravo, përkrahës i presidentit Biden .
- Ish-presidenti Donald Trump ishte presidenti i parë që emëroi në kabinet një zyrtar që ishte shprehur hapur se ishte homoseksual, por ai ka mbajtur në përgjithësi një qëndrim më konservator. Ai ka thënë se
“Zoti krijoi dy gjini, mashkull dhe femër”.
“Si është puna me këto emërtime? Nëse e shihni me kujdes, është sëmundje. Është sëmundje. Unë do mbroj idenë Pro-Zotit. Do të mbrojmë kontekstin dhe përmbajtjen pro Zotit”, u shpreh Donald Trump, kandidat i pritshëm i Partisë Republikane për President.
Një qëndrim që votuesit e tij e përkrahin.
“Krahu republikan është në linjë me atë që thotë Bibla për sa i takon abortit dhe komunitetit LGBTQ”, thotë Thomas Isbell, përkrahës i ish-Presidentit Trump.
Presidenti Biden ka dënuar ligjet konservatore të shteteve që kufizojnë ndërhyrjet kirurgjikale për ndërrimin e gjinisë dhe klasat mbi orientimin seksual.
Ish-presidenti Trump e premtoi një gjë të tillë në faqen e internetit të fushatës së tij elektorale.
“Që ditën e parë do të heq politikat mizore të Joe Bidenit mbi të ashtuquajturin ‘kujdes për ndryshimin e gjinisë’. Qesharake, Një proces që përfshin dhënien e mjekimeve për ndalimin e pubertetit tek fëmijët, ndryshimin e pamjes së tyre fizike dhe në fund kryerjen e operacioneve te fëmijët e mitur”, u shpreh Donald Trump, kandidat republikan për President.
-
Një këshilltar demokrat thotë se kjo është Partia tradicionale Republikane që duan votuesit republikanë.
“Ata janë kundër emigrantëve, janë anti-transgjinorë, janë anti-homoseksualë dhe Trump e dinte këtë dhe vazhdoi ta mbështeste”, shprehet Brad Woodhouse Këshilltar i Lartë, Komitetit Kombëtar Demokrat (DNC).
Këta votues e ndihmuan zotin Biden të fitonte në ato që cilësohen si shtete vendimtare në vitin 2020. Një sondazh i GLAAD, organizatë jo fitimprurëse që mbështet të drejtat e komunitetit LGBTQ tregon të njëjtën mbështetje të fortë për Presidenti Biden. Shumica dërrmuese e tyre po i bëjnë thirrje Partisë Republikane që të përqëndroeht tek ekonomia, në vend që të kufizojë të drejtat e tyre./VOA
