Klubet me më shumë tifozë në botë, qofshin në mënyrë reale apo edhe virtuale, janë nga Evropa.
Real Madridi i prin listës së klubeve të futbollit me më shumë tifozë në botë.
Reali ka afro 400 milionë tifozë anembanë botës.
Ndërkaq, sa u përket rrjeteve të ndryshme sociale, “Los Blancos” ndiqen nga më shumë se 280 milionë tifozë.
Barcelona
Gjiganti katalanas njihet si fole e disa prej lojtarëve më të mëdhenj në histori.
Dhe, stili i lojës së tyre “tiki-taka” tashmë është bërë brend i futbollit.
Edhe pse u largua Lionel Messi dhe e kaploi kriza financiare, Barça mbeti si njëri prej ekipeve më të dashur në botë.
“Blaugrana” përcillen nga afro 275 milionë ndjekës në kanalet e ndryshme të rrjeteve sociale.
Manchester United
Përpos që është njëri prej klubeve më të trofeshëm në botë, Manchester United po ashtu e ka fan-bazën më të madhe në glob.
“Djajtë e Kuq” pëlqehen gjithandej, jo vetëm nga tifozët e rëndomtë, por edhe nga yjet dhe VIP-at e ndryshëm.
Njëri prej klubeve më të mëdha në Angli ndiqet nga afro 175 milionë njerëz në rrjetet sociale.
Paris Saint-Germaini
Familja mbretërore e Katarit e bëri këtë klub mjaft të dashur dhe të respektuar dhe yje të shumtë të futbollit performuan aty.
Mjafton t’i përmendim emrat e Ibrahimovicit, Cavanit, Mbappes, Neymarit e Messit.
E kjo ka bërë që klubi francez të rritet me të madhe edhe në rrjetet sociale, sidomos në 10 vjetët e fundit.
Kampioni francez ndiqet nga 145 milionë njerëz anembanë botës.
Juventus
Juventusi ka pasur gjithmonë yje në ekip dhe ka qenë i dashur në të gjithë cepat e botës.
Famën e këtij klubi në rrjetet sociale e rriti Cristiano Ronaldo, i cili përfundoi në Torino në vitin 2019.
“Zonja e Vjetër” ndiqet nga 120 milionë tifozë në rrjetet sociale, më së shumti nga çdo klub tjetër italian.
Chelsea
Chelsea nuk është vetëm klubi më i suksesshëm në Londër në Shekullin 21, por dalëngadalë po bëhet njëri prej klubeve më të mira në Evropë.
E kjo ka bërë që “Të Kaltrit” të bëhen të dashur nga tifozët gjithandej, që prej vitit 2003, kur i kishte marrë në dorë miliarderi Roman Abramovich.
Përkundër ndryshimeve të fundit në pronësi dhe rënies së formës, dashuria për “Blues” nuk është shuar.
Chelsea më saktësisht i ka 112 milionë fansa në rrjetet sociale që vijnë nga kontinente të ndryshme.
Liverpooli
Gjiganti anglez në dekadën e fundit fitoi gjithçka që është e mundshme, përfshirë këtu edhe Ligën e Kampionëve dhe Premierligën.
Ky klub u ngrit në mënyrë masive falë këtyre sukseseve dhe falë paraqitjes së lojtarëve nga kontinente të ndryshme.
“Reds” i kanë 106 milionë ndjekës në platforma të ndryshme në rrjetet sociale.
Bayern Munchen.
Gjiganti bavarez i ka më shumë se 295 mijë anëtarë të regjistruar.
Kampioni i ri gjerman e promovon veten mjaft mirë përmes partnerëve strategjikë në mbarë botën.
Kjo ka bërë që ky klub të jetë i famshëm dhe i dashur jo vetëm në Evropë.
Bayernin e ndjekin rreth 100 milionë fansa në rrjetet e ndryshme sociale.
Manchester City
Eshtë sensacioni i ri i futbollit evropian në dekadën e fundit.E
“Citizens” janë edhe njëri prej klubeve më aktivë në internet, me shumë blogje dhe forume, përmes të cilëve komunikojnë tifozët e tyre.
City i ka rreth 90 milionë ndjekës në rrjetet sociale.
Arsenali.
Edhe kur ky klub ka kriza dhe momente të vështira, tifozët nuk ia kthejnë asnjëherë shpinën. Tifozët madje i ka edhe shumë të durueshëm pasi siç dihet, fiton rrallë trofe.
Këtë vit “Topçinjtë” ishin shumë afër ta fitonin titullin e kampionit në Angli, por e lëshuan atë nga duart në fund.
“Gunners” i kanë afro 85 milionë ndjekës në faqet e rrjeteve sociale.
Arsenalin e duan në të gjitha pjesët e globit, jo vetëm në Evropë.
